3日camp(15/2/2008-17/2/2008)+18歲生日

今次entry都幾多嘢寫:

3日camp真好玩,學到好多野。今次camp就識左Ryan,佢都係一個好好既組長,自己覺得自己係領導方便冇偉健同Ryan咁好,仍然努力學習。自己只能在一方面發展,真係得一個-學語言
自己好想在另一方面發掘更多interest,但真係做唔到,有時真係埋怨自己,好想自己做好啲,做唔到。咩事幹呀!!!!!!!!!!!!!!!!!!

去到camp,成為team B一分子,當初自己覺得自己同我team唔夾, 唔知點咁。但都可以creat到好多好好結果,team members都好團結,都好開心。各團員有留我既blog,我都希望你地原諒我既自大既性質,下次camp大家再一齊嚟玩轉波遊戲時我攞我電話出黎影

____________________________________________________________________

生日:
琴日2月18日係我18歲既生日,你話我開唔開心呀。好坦白講真係冇咩唔到,因為年年都係咁過,只不過我今年生日係18歲咁解。但唯一開心有2個:多謝我父母同婆婆既陪同,帶我去食左一餐好好味既dinner,原本想同啲fd去食,但我都話唔駛lu,有心就得ga la,我個人係好簡單。多謝LaiTung,Iris,芹,達銘,其中一個去歐洲旅行既團友,瑜瑜等等既message,已經足夠,多謝你地!!!!!!!

心願就係自己努力讀書考大學,環遊世界同世界和平

以下係琴日去功德林(齋舖中最貴既一間,6個菜$308位於尖沙咀北京道一號)

法文真係到英文影響好大。Sautée(d)解"嫰煎,油炸"

担担麵,真係幾辣但好食

____________________________________________________________________

今日上Philosophy,David sir派利是(第2張先係阿sir派個封)

呢個新年,唔經唔覺逗左好多封,都有30幾張,大約$2000左右。如非必要,利是錢係作讀書之用

David sir個封利是

p.s.今日陪啲同學買飯盒,見到今日肥肥逝世既消息,我都呆左;但講笑咁講la,我生日既後一日就係佢死忌。不果我都唔忌既,人總會面對呢個事實。佢既逝世真係好震驚,但感受到人既生命話走就要走,人就係咁無常。總之,身體健康就係好大既禮物。

MK半日

再度重返打blog既日子,初初想放棄(因為冇咩人去睇),但唔可以俾我既堅持因某原則而放棄

今日同修修去朗豪坊飲咖啡,本來去Pacific飲,但一去到竟然被一間叫Main Street Coffee取代
對面雖有Starbucks,但佢啲咖啡越來越唔係太好飲。所以去左Délifrance食

我買左個Chocolate croissant+朱古力(個時忽然唔太想飲coffee住), 30幾蚊大元

係露天環境,我個時帶左本communications同project既嘢睇下,修修一睇我本書話我本書既publisher係大學既書,我都唔知

之後去左12樓睇cd,再去左信和同先達再睇cd; 信和同先達好多cd舖啲cd脊都係日文,仲要係片假名"片仮名（かたかな)",一套日文來譯外來字既日文字母, 睇到我頭都暈,有無英文睇下個歌手名,真係攞命。所以睇睇下都冇心機,不過難道陪下朋友一齊,都冇所謂既,又可以見識下。

好快到7:00pm, 修修買書,我就回家

難得同朋友行下,大家都有好多一樣既興趣,尤其是歌同音樂,好難得

___________________________________________________________________________

雖然我告別母校,離開左好多好朋友;同時又係新校識到人,大家雖算朋友,但感覺就冇以前識既朋友咁強烈,真係好難用文字表達,但我都會當係一種新途徑,識得咁多唔同既人。更不能忘記中學既白痴爛gag嘢,以前既我都幾令我討厭,但反而而家好懷念,懷念大家既笑聲,班主任俾我以前個班攪到好無奈又好想笑既樣,起碼大家有一種嘢係團結--就係齊搞爛gag。比起而家我讀既同學仔就唔太得,唔得左唔太團結,歡笑聲大不如前,也許我得熱鬧又愛又憎。係咪好conflict呢,呢個就係我性格既古怪。Anyway, Despite the different situations that you're now facing or you have faced, Keeping going forward and regarding these changes as a part of experiences in your life

朗豪坊上既Pacific Coffee,好耐之前一個夜晩影

美國一支Grung Music(Alternative Music)樂隊Nirvana既Nevermind Album既封面,而主題無關
ha^^

飯局-with 德文班同學

大合照1

大合照2

29號去左同德班文既同學去尖沙咀食功德林。
人物:我,Cavour,Helen,Jogan,Ada,Karen同Katrina

當日6:30約左佢地係尖沙咀站等,之後上去北京道一號。當初我都唔太記德北京道係邊,忽然失左憶。所以我早少少到去搵地圖,但一查地圖,點解冇北京道既??我睇睇睇,睇左好耐。
但我打俾Cavour,佢話係C出口等(我當時係E出口),一去到C出口,大大隻字寫著"北京道"...個刻o咗咀

之後有個同Karen既身型,鞋同髮型好似既女仔既背影,當我想掂佢個摶頭時。我心諗,"點定啲先"
偷偷咁望望,我發覺我既決定係冇錯,原來唔係佢。好彩++

見到Karen啦,會合Cavour,Helen同Jogan上去。上到去功德林,見到Katrina,好快Ada嚟左。點菜,食嘢,不斷搞gag,特別係Cavou(心裏覺得好慘,慘)。食完,700蚊埋單。

之後去尖咀碼頭去照聖誕樹,好開心。再去Häagen-Dazs食朱古力火鍋。200幾蚊埋單,當中搞gag不斷,Ada講佢係德國旅行啲嘢係特別好笑,不能係呢到盡錄。但我好唔好彩被啲朱古力沾污我既Reebok風褸,心痛。

之後各人要離開lu,好唔捨得Karen同Jogan,佢哋要去Schweiz(瑞士)讀書,真係真係好開心既一晚,但又好唔捨得,真係好conflict既心理。走個時同Ada一路行一路傾傾傾,好好傾。Ada話我似讀Philosophy啲人??哈哈,我媽媽都係咁講

Anyway,好多謝你哋陪我過一晚好開心既夜晚。我係個好簡單既人,只要見到你哋笑我就好開心。

睇相:Karen同Katrina

Jogan同Karen。(佢地望緊Cavour)
2人說:"Cavour,你好la!夠la!唔係係到搞爛gag la,如果唔係我話俾你爸爸媽媽知(設計對白)

Ada笑得幾開心,因為佢中左6合彩。
她說,"好,我今日好開心,呢餐我請"(設計對白)

正!!

Cavour同我

Häagen-Dazs

蕃薯大王??(攝於尖沙咀碼頭),諗起俾人鬧都被人叫"蕃薯"

貽興王幾好笑容

女子組

Cavour加Helen(佢哋隻手令我諗起2架新幹線列車連在一起)

P.S.我都祝Karen同Jogan係瑞士學有所成~~~

同場加影:爛gag的煩惱

28號-BBQ

28號一早10:00,我應承左阿芹係大埔墟等,一去到就見到一班女仔。然後阿芹同源佢地到,去買料。由於成夜瞓唔到,果日係好辛苦,係到daydreaming。幫佢地拎炭同買料。 入到大尾篤,去透爐。
真係要學下透爐, 呢個冬天真係好熱。 好多人都問我同一件事(因為我係自己帶咗我啲"私伙"去燒,當中有素丸同素腸), 點解你食素既?? 我都好難答佢, 我答"可能係習慣同緣份,係改唔到"。但我心係諗佢一啲道德既問題,我唔係呢到打la 之後燒燒下,Ben同達銘到。但我喉嚨又痛,又攰。太熱la, 去租單車。 再之後,Ben,芹,源同達銘係到飲酒(我係唔飲得酒)。之後一班女仔加入,我哋一班係度猜,猜輸飲水。3大桶4 litres既水, 飲哂,真係中水毒咁,但唔俾去廁所。係到玩玩玩,玩完出去大埔食糖水。之後同芹,源,達銘同Emily撘mtr返歸。
Ben問:"你冇飲酒都咁攰?"
我答: "我成晚冇瞓過呀。"

24.25.26-直踏,冇停過

好la,係時候動手打blog啦,,如果唔係真係唔記得,係我而家仲有少少記憶就嗱嗱臨打好佢。 呢3日,仲有2日包括係同我而家學校啲同學去bbq(真係有啲唔想去,但去吓都好)同埋同我Goethe-Institut既Deutschkurs同學去食齋。但我到而家都未定時間同book位,所以今日會好忙。

24號,Christmas Eve,平安夜:
個日既晏就同我媽坐我朋友既車去荃灣攞蛋糕,唔講得笑,真係幾重,有2個蛋糕,每個有成5磅重。返咗去文德,當日搞左個同仁生日會,之後同阿so同一班好可愛既仔仔女女一齊玩。郭太既姪女好得意呀,得4歲,但好怕羞^^。完成之後(都成10:30pm),我就再坐天和部車去遊車河,先送佢爸爸媽媽同郭太既姪仔姪女返屋企,我就同天和由慈雲山去天水圍。全程只不過30分鐘過少少姐。同天和啲fds去元朗食嘢,之後上飛鵝山,好凍。照下相咁。之後天和送我返屋企,但個時已經係凌晨3點幾。

係我朋友車上影

Christmas Eve既尖沙咀,好多人排隊望彌撒

夜景,影得好垃圾(攝於飛鵝山)。
由於呢日過左12點,日期顯示為25號

我fd架車

25號,Merry Christmas,Joyeux Noël,Frohe Weihnachten,聖誕快樂

25號個日,我同我舊校啲同學msn,當中有KC同修修。我地係度約今日去睇燈飾。之後KC叫我打俾文西,原來文西係教會又有演出。本來4:30準時到永光書院,但4:50都係係mtr站。去到佢地唱歌同睇下drama咁。好有聖誕氣氛。之後我早走去中心食buffet。去到真係有點兒唔自在,好難形容,但食物真係好好食。我早15分鐘離場,約左KC同高佬佢地。由佐敦行去尖沙咀碼頭,係左間Starbucks飲嘢(個時係10:30),好開心。之後影下燈飾咁。回家,但已經12點幾,回家當中同修修食宵夜。

聖誕聯歡。文西帶我地去既永光書院

左起:高佬,KC同修修

KC扮可愛??

高佬都係

我既Mika個隻碟,因為修修個晚還返俾我

大家樂冇嘢食

香港夜景真係迷人

Peninsula Hotel

26號, Boxin' Day
本來呢日係冇諗過出去,因為呢2日我都好攰。之後ho ho dan同Steve係msn話我得唔得閒,之後我最後都同佢地去,因為好難得可以坐一次無頂既巴士,係城巴88R,由中環開去沙田第一城,沿途經過-紅隧同獅隧,真係好特別,未試過坐無頂巴士入隧道,吸入左好多廢氣。之後係沙田搭返車返屋企..都成夜晚11:30。

出發前-Steve好認真既樣(攝於IFC既M記)

Steve個本64

我哋坐既無頂巴士

IKEA都出電芯??

啲人係呢間7-eleven好似書局(攝於沙田第一城)

用左2日打呢篇diary,用心良苦。