補打-踏單車

琴日去踏單車,較早之前同個fd去踏,但由沙田踏到大尾篤再去新娘潭自。自從去完新娘潭之後都唔敢再去個到,因為太危險,唔慣踏馬路,太多車。

琴日去踏車,約咗10:30係大圍等。但我太早去到九龍塘,所以我決定去又一城個間Pacific食啲嘢,坐一咁。買咗個Donut食,18蚊。好彩我買咗一個,嘩!甜得滯,我好唔容易先食完,個Donut又大,表面係勁多沙糖。之後我坐個位係近counter,我見到唐英年,真人都幾高,扮得好casual。食完搭火車去沙田

今次同我啲fd去,但轉去踏馬鞍山。但去到馬鞍山又轉去大埔,入咗廣福邨探咗阿軒既爸爸。之後我都有位Partner斷咗條鍊,換車兼去食嘢
去咗間齋舖食嘢,因為我哋有8個人都係素食者,但煩就煩在泊車個方面,因為係大埔街市個到好鬼多人,入到去街市個邊到唔容易,何況泊車。好攰,回程到吐路港一半到好攰,大腿係非常冇力。一到石船(踏慣單車啲人都識)買咗支含有電解質既食料,當時成個人醒哂,能以極速追趕我啲Partners,好快好快咁到大圍,途中欣賞城門河既景色(因為個時己經係7點咁,天黑),好靚,但我未試過入晚踏車

然後交車,各自返歸。好體會到寶礦力既威力。

我架車

我啲partners

題外話:

呢個係我屋企樓一張memo,留意一下第4行既no body,注意,Nobody係一個字嚟