送別「靚仔」之夜 (22/2, 星期五)

打返星期五既entry
冇錯,今次送別既靚仔唔係我,係渭賢(Ryan)同正融(William)。因為分別地一個要去澳洲做一年電波少年,流浪異鄉; 另一個要繼續返台灣讀書。所以穎盈約我地去詩敏家既天台bbq。鬧市中bbq可說係第一次。

去bbq前,父母強逼我去洗牙,現在都記得個牙醫係我牙縫中以時速唔知幾多km/h同幾多磅既力上下
移動。最後都係成口血。都幾辛苦。加上個日既病都唔係好左七七八八,要食藥,精神都係麻麻。但咁有意義既farewell都要去下。

BBQ既材料豐富,好多腸腸,丸丸(但都係以大豆做既), 粟米,蕃薯,金菇等
10個人去係食方面真係好方便,因為我都個個都係食長齋,唔駛下下就著就著。食得特別開心,陽氣十足。之後bbq完去照貼紙相,再之後本來打算食糖水但時間都比較夜,臨時取消。加上正融兄講"未執行李",去咁多個月既行李都未執,佢今日都唔駛瞓。之後我坐阿和架車返屋企

Anyway,你倆都一路風水!!!!!

p.s.我己決定下堂既德文改係Dienstag(星期二)上,因為我決定將星期六既時間返多啲中心; 加上俾多啲時間俾Cavour同Helen有更多"發展"空間,我駛做"電燈膽"la,ha。當然,前者佔左99%, 因為我真心想多啲時間去多啲中心。如果前A1,1同A1,2既同學掛著我既,打俾我約我飲茶la。

綠色部分係我決定左既時間

講完,睇相(好多相都係由懷仁遊記 copy)

天降甘露

似唔似某本男性雜誌

從天台照落去,相得唔好

驟眼睇睇,啲齋腸齋丸幾似肉個啲