學德文途中

琴日星期六,照舊去灣仔學德文。其實可以搭MTR去灣仔,但我鐘意搭5號車去尖咀碼頭再轉天星小輪。一嚟平,二嚟我鐘意搭小輪,吹下風,正......

但以上唔係今篇entry既重點。照舊撘巴士去尖咀,途中係馬頭圍道左右嗰個站,有一位黑人坐我隔離,其實係冇咩嘢,之後成車爆滿,有一對父子(個小朋友大概5-6歲左右)要被逼分開坐。小朋友坐係個黑人斜對面,而小朋友個爸爸坐係個黑人後面。有見及此,個位黑人用英文叫個小朋友換位,個小朋友都幾無奈,而爸爸都係,小朋友不斷擰頭,之後我都8下睇下(我當時聽緊歌),之後個黑人都好熱心叫小朋友換位。(因為我都望下望下咁),個位黑人問下我"佢點解唔換位呀,個小朋友不斷望著個爸爸喎"(以英文問我),我都話"I don't know,maybe he's shy"。之後個位黑人都唔強人所難,但佢開始聊我傾計。當時既我都有少少無奈(好小有陌生人咁主動去同人傾計,唔知係咪有企途呢),但佢都不斷問我關於香港d嘢,叫我教佢啲廣東話等等,之後佢用佢電話叫我睇下相,原來佢有個香港人既女朋友,有同佢女朋友合照等等。其實途中講左唔少野,"佢問我鐘唔鐘意細路?",我答"我都鐘意",佢問"我有3個細路,我俾個你呀",接著我都幾無奈,不斷say no,但佢係講笑啫。但都幾開心,都幾nice
短短既車程佢都要落車(佢早我一個站落),但都幾出乎意料之外既experience,都係第一次同陌生人傾計,對方仲要係黑人,講一點唔咸唔淡既英文(好難聽懂佢既accent,有點法文口音,因為佢母語係法文,佢係黑白混血兒,skin color係似奧巴馬一樣,唔太黑,唔太白個種)

感覺係好多朋友都係一個個陌生既個體去認識,但此終大家都係唔太了解對方(我指朋友),好難避免有所保留,因為人生難測,對方既企圖同動機等等。如果自己能認識自己好好既朋友同你既另一伴,真係要好好珍惜,因為大家都衝破到彼此既猜忌,以真心對待朋友同另一伴。我信,呢個就是緣份,好好珍惜。

____________________________________________________________________

好,琴日一對GL,入到房室冇人,自己都帶左既Marketing嚟溫,無人靜靜地go through下Marketing。如果唔係,尤其是Cavour一定會嘈到溫唔到書,之後陸續有同學返,有返新識既同學仔(其實佢唔知我都係一班Kidult, kid+adult),樣就大個(除Cavour),個個都係好玩得,但我都好鐘意呢個氣氛,好過我而家讀diploma既同學,只係顧自己,上堂得個嘈字。得罰講句"社會既棟樑"。

之後放break,Cavour欣賞佢既寵物小精靈大圖鑿,Katrina講左句我好鐘意既"好似我補習班啲同學咁"....好貼切。之後開始做下hören(listening)同schreiben(writing),hören真係難難地,但好彩只錯3題,12/15

當大家入嚟我blog,就鼓勵下我la^^


睇下我其中一個同學-Cavour:

考試時間表: